Roersi come calzeti

È rivàda la notissia:il traforo non si fa!I n’ha solo contà bale...e anca ’l filobus... chissà!I n’avea contà de tutopar el mito “sicuressa”...dèsso ben se n’incorzemo:l’era solo na promessa...Dovea nàssare un Museopar la lirica importante...lori i l’ha lassà morir,e i g’ha fato un ristorante!Par sostituire un giornochi l’Arena ha sassinàdocon dei debiti a milioni,con prontessa i n’ha contàdo:“Ghe vol uno competente,no un che vegna da l’asilo!,ma che ’l g’abia competense,e che ’l sia d’alto profilo!”... ma anca tuti sti discorsii era sol na pantomima:par salvàrghe la caregai ha rimesso quel de prima!E a quel Assessor “dimesso”nei pastròci impetolàdodèsso con disinvolturadise el Sindaco, intortàdo:“T’ho tegnùdo el posto al caldo!Sa ne importa del zavajo?”E del Vice condannàdo:“Ben, però ’l g’ha del corajo!”.E spietato intanto el trama, con cinismo eccessionale,i progetti più balenghi:el cimitero verticale,e po’ el cuerto de l’Arena,de Giulietta el sfruttamento,el cortile sluamaràdocon l’ingresso a pagamento...Dèsso el lotta col Partìtorosegàdo come un tarlo...Bega Veneta i le ciama...e Salvini, par calmarlo,de lu ’l dise: “Come Sindacoè un talento sopraffino!Lui Verona ha rivoltatoribaltà come un calzino!”... e l’è vèra: tante balea noantri n’ha lassàdosolo el gusto spussolentode un calseto rivoltàdo.